Оросын Холбооны Улсын Дотоод хэргийн яамны харьяа академи, их, дээд сургуульд 2019-2020 оны хичээлийн жилд суралцах алба хаагч, иргэдийг сонгон шалгаруулалт эхэллээ.

Элсэлтийн шалгалтын комиссын 2019 оны 01 дүгээр сарын 18-ны өдрийн хуралдаанаар сонгон шалгаруулалтыг 2019 оны 03 дугаар сарын 07-18-ны өдрүүдэд Хууль сахиулахын Их сургууль дээр зохион байгуулахаар товыг гаргасан.

Энэ жилийн элсэлтийн шалгалтад 2019 онд ерөнхий боловсролын сургууль төгсөгчдөөс бүртгэхгүй, зөвхөн магадлан итгэмжлэгдсэн их, дээд сургуулийн суралцагчид болон өмнөх жилүүдэд ерөнхий эрдмийн шалгалтад 60-аас дээш оноо авсан иргэдээс бүртгэж, элсүүлэхээр тогтсон.

Бакалаврын сургалтад элсэгчдээс Монгол, Орос хэл, бие бялдар, сэтгэл зүйн сорил гэсэн 4 төрлөөр мэдлэг, ур чадварын шалгалт, ярилцлага авна.

Удирдлагын академийн адъюнктүр, магистрантурын сургалтад суралцах хүсэлт гаргасан алба хаагчдыг эрүүл мэндийн үзлэгт хамруулж, Орос хэлний шалгалт авч, нийлбэр онооны дүнгээр эрэмбэлж, шалгаруулна.

Сонгон шалгаруулалтын бүртгэлийг 2019 оны 01 дүгээр сарын 28-наас мөн оны 02 дугаар сарын 28-ны өдрийг хүртэл хугацаанд явуулна.

Энэ хичээлийн жилд Цагдаагийн ерөнхий газрын захиалгаар дараах мэргэжлээр элсүүлэн суралцуулна. Үүнд:

1.   Бакалаврын орос хэлний бэлтгэлтэй хөтөлбөр /5, 6 жил/

•       Мэдээлэл, технологийн аюулгүй байдал;

•       Харилцаа холбооны системийн мэдээллийн аюулгүй байдал;

•       Тусгай радио-техникийн систем;

•       Хууль сахиулах байгууллагын сэтгэл зүй;

•       Эдийн засгийн аюулгүй байдал;

•       Үндэсний аюулгүй байдлыг хангах эрх зүй;

2.   Магистрантурын хөтөлбөр (2 жил):

•       Хүний нөөцийн удирдлага

3.   Адъюнктурын хөтөлбөр (3 жил)

•       Эрдэм шинжилгээ, судалгааны арга зүй

Жич: Шаардлагатай мэдээллийг Соён гэгээрүүлэх, албаны сургалтын хэлтэс /цагдаагийн хошууч Э.Онон, утас: 70191045/-ээс авч ажиллана уу.

ОХУ-ЫН ДХЯ-НЫ ХАРЬЯА АКАДЕМИ, ИХ, ДЭЭД СУРГУУДЬД БОЛОВСРОЛЫН
БАКАЛАВР, МАГИСТРАНТУР, АДЪЮНКТУРЫН СУРГАЛТАД СУРАЛЦАХААР ХҮСЭЛТ ГАРГАСАН АЛБА ХААГЧ, ИРГЭДИЙН БҮРДҮҮЛЭХ МАТЕРИАЛЫН ЖАГСААЛТ