Орчин цагийн Эрүүгийн цагдаагийн алба нь дүн шинжилгээ, гүйцэтгэх ажлын шугамаар үндэстан дамнасан зохион байгуулалттай гэмт хэрэгтэй тэмцэх чиг үүргээ амжилттай хэрэгжүүлж, гэмт хэрэгтэй тэмцэх тэргүүлэгч хамт олон болохоор зорин ажиллаж байна. Цаг хугацаа орон зайг үл хамааран мэргэшсэн үйл ажиллагааг явуулах нь бидний эрхэм зорилго бөгөөд манлайлал, шударга ёс, нууцлал, шилдэг гүйцэтгэл энэ бол бидний үнэт зүйл билээ.

Эрүүгийн цагдаагийн албаны үе үеийн удирдлага, ажилтан албан хаагчид та бүхэнд Эрүүгийн цагдаагийн алба үүсч хөгжсөний түүхт 85 жилийн баярын мэндийг хүргэе.