Бусдын хөдөлмөрийг хүндэтгэж хууль бус үйл ажиллагаанд оролцохгүй байхыг уриалж, анхааруулж байна .

Дэлхий дахинд хамгийн их хохирлыг учруулсаар байгаа цахим шуудангийн луйврын гэмт хэргээс сэрэмжлэхтүн ! 

Зээл гаргаж өгнө, Виз гаргаж өгнө, Мөнгө шилжүүлнэ гэх заруудыг хуурамч фэйсбүүк хаягаас зарын группудээр тарааж байна. Гадаад улсын гэмт бүлэглэлүүд бусдын фэйсбүүк хаягт хууль бусаар нэвтэрч тухайн хаягийг ашиглан залилан мэхлэх гэмт хэрэг үйлдэж байх тул иргэд та бүхэн болгоомжилно уу.

МУУ ЗУРШЛАА ЭЕРЭГ ДАДЛААР СОЛЬЁ.

Бага болон өсвөр насны хүүхдүүдийг айлган сүрдүүлж, гэмт хэрэгт өдөөн турхирах зорилготой “МоМо challenge” нэртэй бичлэг олон нийтийн цахим сүлжээгээр тархаад байгаатай холбогдуулан бага насны хүүхэд гэмт хэрэг, зөрчилд өртөж хохирохоос урьдчилан сэргийлэх, таслан зогсоох ажлыг Эрүүгийн цагдаагийн алба, ЦЕГ-ын Урьдчилан сэргийлэх хэлтэстэй хамтран зохион байгуулж байна.

Тэмцээнд Эрүүгийн цагдаагийн албаны харьяа нэгжийн 33 баг, 200 орчим тамирчид хурд, хүч авхаалж самбаагаа сорьж аваргаа шалгарууллаа. Нийт оролцсон баг тамирчид болон хамтран зохион байгуулагч, шүүгч нартаа баярлалаа.

Эрүүгийн ахлах мөрдөгч нарын "Манлайлал, мэргэжлийн ур чадварыг дээшлүүлэх нь" сэдэвт сургалт зохион байгуулагдаж алба хаагчдад Цагдаагийн еранхий газрын Тэргүүн дэд дарга, Эрүүгийн цагдаагийн албаны дарга нар гэрчилгээг гардууллаа.

Монгол Улсын Хууль зүй дотоод хэргийн сайд, Сангийн сайдын хамтарсан 2017 оны 12 дугаар сарын 13-ны өдрийн А-297, 360 дугаар тушаалаар “Иргэд байгууллагаас төлбөртэй мэдээлэл авахад баримтлах үнэлгээний жишиг”-ийг баталсан байна.

ЭРҮҮГИЙН ЦАГДААГИЙН АЛБАНЫ АЛБА ХААГЧИД ЭЛЭГНИЙ В, С ВИРУСИЙН ШИНЖИЛГЭЭНД ХАМРАГДАЖ БАЙНА.

Эрүүгийн ахлах мөрдөгч нарын "Манлайлал, мэргэжлийн ур чадварыг дээшлүүлэх нь" сэдэвт сургалт

ЭРҮҮГИЙН ЦАГДААГИЙН АЛБА, ЦАГДАА ДОТООДЫН ЦЭРГИЙН СУРГАЛТЫН НЭГДСЭН ТӨВТЭЙ ХАМТРАН ГАЛТ ЗЭВСГИЙН СУРГАЛТ ЗОХИОН БАЙГУУЛЖ БАЙНА.

Эрүүгийн цагдаагийн алба үүсэн байгуулагдсаны түүхт 85 жилийн ой тохиож байна

Төрийн тусгай алба хаагчдын нэгдсэн эмнэлгийн Уламжлалт анагаах ухааны их эмч, ахмад Л.Санжаасүрэн “Эрүүл зөв хооллолт” сэдвээр алба хаагчдад сургалт орлоо.

Арван долоодугаар жарны “Урвуулагч” хэмээх шороон гахай жилийн сар шинийн баярыг тохиолдуулан Эрүүгийн цагдаагийн албанаас цэргийн байнгын тэтгэвэрт гарсан өндөр настнуудыг 2019 оны 01 дүгээр сарын 31-ний өдөр хүлээн авч хүндэтгэл үзүүлэх арга хэмжээг зохион байгууллаа.

Арван долоодугаар жарны “Урвуулагч” хэмээх шороон гахай жилийн сар шинийн баярыг тохиолдуулан Цагдаагийн ерөнхий газрын даргаар ажиллаж байсан Монгол Улсын гавьяат хуульч, хошууч генерал Б.Пүрэвт Эрүүгийн цагдаагийн албаны дарга, цагдаагийн хурандаа Б.Даваажав энэ оны 01 дүгээр сарын 30-ны өдөр ар гэрт нь очиж хүндэтгэл үзүүлэн гарын бэлэг гардуулж өглөө.

Оросын Холбооны Улсын Дотоод хэргийн яамны харьяа академи, их, дээд сургуульд 2019-2020 оны хичээлийн жилд суралцах алба хаагч, иргэдийг сонгон шалгаруулалт эхэллээ.

Цагдаагийн байгууллагад удирдах ажил хамгийн олон жил хийж энэ зөвлөгөөнд оролцож байгаа Цагдаагийн ерөнхий газрын Төв архивын дарга, бригадын генерал Т.Хүрэлбаатар, Цагдаагийн ерөнхий газрын дэд бөгөөд Нийслэлийн цагдаагийн газрын дарга, цагдаагийн хурандаа Д.Ядамдорж, Тээврийн цагдаагийн албаны Замын цагдаагийн газрын Техник, замын хяналтын хэлтсийн дарга, цагдаагийн хурандаа Ч.Жаргалсайхан, цагдаагийн байгууллагын эмэгтэй удирдах ажилтны төлөөлөл Цагдаагийн ерөнхий газрын соён гэгээрүүлэх, албаны сургалтын хэлтсийн дарга, цагдаагийн хурандаа Д.Долгорсүрэн нарт Эрүүгийн цагдаагийн албаны даргын зөвлөлийн гишүүдээс хүндэтгэл үзүүлж, дурсгалын зүйл гардуулав.

Эрүүгийн цагдаагийн албаны нийт бие бүрэлдэхүүнд “Хувь хүний менежмент ба манлайлал”, “Төрийн албан хаагч Алмаазан хүн болох нь” зэрэг сонирхолтой сэдвүүдээр Удирдлагын академийн ахлах багш, докторант Ц.Өнөржаргал 2019 оны 01 дүгээр сарын 25-ны өдөр сургалт орлоо.

Цагдаагийн ерөнхий газраас жил бүр уламжлал болгон зохион байгуулдаг Цагдаа, дотоодын цэргийн байгууллагын удирдах ажилтны 2019 оны сургалт зөвлөгөөн нөхөрсөг сагсан бөмбөгийн тэмцээнээр эхэллээ. Тэмцээнд нийтдээ 12 багийн 140 гаруй удирдах албан тушаалтнууд оролцож, Хангайн бүс, Төвийн бүс, Баруун бүс гэж хуваагдан аваргын цомын төлөө хүчтэй өрсөлдлөө. Тус тэмцээнд Эрүүгийн цагдааийн алба, Хэрэг бүртгэх алба нэг баг болон амжилттай оролцож тэрүүн байрыг эзэлж цом, өргөмжлөл, алтан медалиар шагнагдлаа.

Эрүүгийн цагдаагийн албаны түүхт 85 жилийн ойг тохиолдуулан тус албаны харьяа нийслэл дэх нэгжүүдийн удирдах ажилтнуудын дунд Снүүкер бильярдын тэмцээнийг 2019 оны 01 дүгээр сарын 18-ны өдөр зохион байгууллаа. Уг тэмцээнд тэргүүн байранд 3 дугаар хэлтсийн дарга, цагдаагийн дэд хурандаа Б.Тамир, 2 дугаар байранд Гэрч хохирогчийг хамгаалах хэлтсийн Эрүүгийн цагдаагийн тасгийн дарга, цагдаагийн дэд хурандаа Э.Алтангэрэл , 3 дугаар байранд Нийслэлийн цагдаагийн газрын Мөрдөн шалгах газрын Хүнд гэмт хэрэгтэй тэмцэх хэлтсийн дарга, цагдаагийн дэд хурандаа Э.Товуудорж нар шалгарч өргөмжлөл, медаль, дурсгалын зүйлээр шагнуулав.